منداڵ و خێزانەکان

خانووبەرە

• لە ئایسلەند، خەڵک لە خانووبەرەی جیا، خانووی نیمچە سەربەخۆ، شوقە یان خانووبەرەی ناو کێڵگە و گوندەکان دەژین.
• زۆربەی خانووبەرەکانی ئایسلەند بە ئاوی گەرم گەرم دەبن.
• خانووبەرەکان بەهێزن و بەباشی دەتوانن لە ئاست سەرما و گەرما بەرگری بکەن.
• زۆربەی جار خەڵک لە خانووبەرەکانی خۆیاندا دەژین بەڵام بازاڕی خانووبەرەی کرێش گەورەیە.
• هەندێ جار خەڵک بینای پیشەسازی بۆ ژیان بەکرێ دەگرن بەڵام ئەمە دەتوانێ بۆ تەندروستی تۆ مەترسیدار بێت.
  • ئەوە بزانە کە هەنگاوەکانی سەلامەتی لە ئاست ئاگرکەوتنەوە بۆ بیناکانی پیشەسازی هەر وەک خانووبەرەی نیشتەجێبوون نییە، دەتوانێ لە کاتی ئاگرکەوتنەوە دۆخێک بە مەترسی باڵا بەدی بێنێت.
  • وەها خانووبەرەیەک پێی دەوترێت خانووبەرەی پەسەندنەکراو و دەسەڵاتداران دەتوانن دایخەن.

خانووبەرە - کڕین

• خەڵک فلات و خانوو لە ڕێگەی نوسینگەی بازرگانی خانووبەرەوە دەکڕێت. خانووبەرە لە ڕێگایڕۆژنامە و ئینتەرنێتەوەڕێکلامی بۆ دەکرێت بۆ فرۆشتن . ئەرکی نوسینگەیە کە پارێزگاریبەرژەوەندی کڕیار و فرۆشیار بکات ودڵنیایی بدات کە هەموو کارەکان بە گوێرەی یاسان .
• دەتوانرێت قەرز لە بانقەکان یان سندوقی خانە نشینی داوابکرێت. پێویستە کڕیار برە پارەیەکی خۆی هەبێت وەک پشکی پێشەکی بۆ دانەوەی قەرزی خانوبەرە.
• پێویستە کڕیار بزانێت چی جۆرە قەرزێکی دەوێت، قەرزی جوڵاو یان نەجوڵاو . ڕێژەی قازانجیجیاواز و ماوەی جیاواز.. www.aurbjorg.is
• قەرزی پشک جۆرە قەرزێکە بۆ کەسانی کەم دەرامەت و کڕیاری جارییەکەم . www.hlutdeildarlan.is
• Vaxtabætur بەشێک لە قازانجی قەرزی خانووت بۆ دەگەڕێتەوە بە پێی داهات و سەروەت. 

خانووبەرە – بەکرێگرتن

• تۆ دەتوانی لە ڕێگەی خەڵک، کۆمپانیاکانی بەکرێدان یان شارەوانی شوێنێ بۆ نیشتەجێبوون پەیدا بکەیت.
• خزمەتگوزاری قوتابی ئایسلەندی(Félagsstofnun.stúdenta) لە زانکۆی ئایسلەند و زانکۆیAkureyri شوقە بە قوتابییەکان بەکڕی دەدات. : www.studentagardar.is, www.festaha.is بۆ ئەوانەی لای وان دەخوێنن
• مافی کەسەکە بە گرێبەستکردن باشتر مسۆگەر دەکرێت www.stjornarradid.is/library/06-Eydublod/Husaleigusamningur_29012019_FORM.pdf
• لەکاتی تۆمارکردنی گرێبەستی کرێی یاسایی(لە نووسینگەی دەسەڵاتی هەرێمی)، ئەوسا دەتوانی داوای یارمەتی خانووبەرە بکەیت.
• تۆمارکردن ی گرێبەست، تۆماری فەرمی بەڵگەکانە.
• یارمەتی خانووبەرە بەگوێرەی داهاتە.www.hms.is/husnaedisbaetur
• کاتی بەکرێگرتنی ژوورێکی نهۆمێک یان شوێنیک لە بینای پیشەسازی توانای وەرگرتنی یارمەتی خانووبەرە بوونی نییە.www.leigjendasamtokin.is

خانووبەرە – تێچوونەکانی

• بەخاوەن بوونی فلات یان خانوو؛ پێویستە ئەم پارانە بدات :
• دانەوەی قەرزی مانگانە.
• زەریبەی عەقار (زەریبەی خاوەندارێتی بۆ شارەوانی ).
• تەئمینی خانوو (تەئمینی سووتان ، کەل وپەل و موڵک).
• پارەی گەرمیی وکارەبا
• پارەی ئاو و ئاوەڕۆ .
• خزمەتگوزاریی بینا (بۆ نمونە ئەگەر لە بلۆکێک یان بالەخانەی چەند نهۆمی هاوبەش بن لە تێچووی چاک کردنەوە و باش ڕاگرتنی بینایەکە).
• بەڵام ئەگەر کرێچی بیت، بە شیوەیەکی گشتی هەموو ئەم تێچووانە لە ناو کرێی مانگاندایە.

خانووبەرە – خاوێنکردنەوە، شێ، تەڕی و کەڕوو

• لە ئایسلەند ، لەناو خانووبەرەکان بەگشتی گەرمە، هەربۆیە لەسەر پەنجەرەکان شێ بەدی دێت کە دەتوانێت ببێتە هۆی کەڕوو و زیان. هەربۆیە وشککردنەوەی تەڕی، کردنەوەی پەنجەرەکان و هەواگۆڕینی ڕۆژانە زۆر گرنگە. هەروەها لە زستاندا. شێ و کەڕوو زیان دەگەیەنێتە چوارچێوەکە.
• ئەمە گرنگە که لەکاتی خاوێنکردنەوەدا ئاو لەسەر ئەرز و کەلوپەلی تەختە نەڕژێنی . ڕووپۆشی ئەرزی لە ئایسلەند بەگشتی پارکێتە و کەلوپەلی درووستکراو لە تەختەن. ئاوی زۆر دەبێتە هۆی لەناوچوونی ئەرز و کەلوپەلەکە. کرێچی دەتوانێ لە ئاست ئەمانە بەرپرس بێت.
• خاوێنکردنەوەی ئاسایی لە ماڵەوە بریتیە لە پاککردنەوەی بە پەڕۆی شێدار، گسکلێدانی ئەرزەکە و شوردنەوەی بە پاککەرەوەی تەر کە بە ئاوی گەرم(کەفاو) خاوێنکراوەتەوە. سینک و کەلوپەلی تەندروستی بە هەوری و مادەی پاککەرەوەی گونجاو خاوێن بکرێتەوە.
• مادەی پاککەرەوەیەکی زۆر هەیە هەڵبژاردنی ئەو بەرهەمانەی کە گونجاون لەگەڵ ژینگە ماقوڵانەیە.

بیناکانی ئاپارتمانی و ڕەفتار ناوچە هاوبەشەکان

• ناوچەی هاوبەش، مڵکی هاوبەشی نیشتەجێبووانی یەک بینایە.
  • ناوچە هاوبەشەکان بریتین لە: قادرمە، شوێنی هێشتنەوەی پاسکیل و ئەمباری پاشماوە، پارکینگ (یان گاراژ) و باغچە. هیچ شتێکی زیادی وەکوو مۆبیلیات و کەلوپەلی ناوماڵ یان تایە نابێ لە ناوچەکانی گشتی دانرێت.
  • هەندێ جار دانیشتوانی هاوبەشی ئاپارتمان بە نۆبە سەر قادرمە گسک دەدەن، تەنەکەی زبڵی دەگۆڕن و گژ وگیا دەبڕن، بەڵام هەندێجار سندووقی ئەنجوومەنی نیشتەجێبووان ئەم خزمەتگوزاریانە دەکڕێت.
  • جیاکردنەوەی پاشماوەکان بۆ ڕیسایکلین(دووبارە سوودلێوەرگرتنەوە) گرنگە. لە زۆربەی بیناکان تەنەکەی زبڵئ هەیە. ئەم مادانە بەگشتی پۆلێن دەکرێن بە کاغەز، پلاستیک و مادەکانی تری پاشماوە (پاشماوەی خۆراک)
  • . قتووەکان، شوشە و ئەلەمنیۆم (قتووی خۆراک)یش دەبێ جیاکرێتەوە و بگوازرێتەوە بۆ بنکەی ڕیسایکلین لە ناوچەکەی تۆ.
  • بەر لە ڕژتنی پاشماوە و زبڵ لەناو تەنەکەی خۆڵ/زبڵدان لە ناوچەی گشتی، هەموو ئەو زبڵانەی کە شیاوی بەکارهێنانەوەی دووبارە نین (زبڵی خواردەمەنی) بخرێتە ناو عەلاگە و بە تووندی ببەسترێت.

نیشتەجێبوون – بینا ئاپارتمانییەکان

• بینا ئاپارتمانییەکان خاوەن ئەنجوومەنی نیشتەجێبووانە. لیژنەی بەڕێوەبەرایەتی ئەنجوومەنی نیشتەجێبووان (سەرۆک و خەزێنەدار) هەڵدەبژێرێت. هەموو بڕیارە گرنگەکان سەبارەت بە پێشکەوتنەکانی بینا پێویستی بە پەسەندکردنی نیشتەجێبووانە لە یەک دانیشتندا.
• گرنگە کە یاسای بینای شوقەکەت بزانیت. ئەگەر دڵنیا نی، تەنیا لەدەرگای دراوسێکەت بدە و پرسیار بکە – کێشەیەک نییە.
• هەڵسوکەوتی باش، سەرنجدان و هاوکاری نێوان نیشتەجێبووان لە بینا ئاپارتمانییەکاندا گرنگە.