پشووی فەرمی لە ئایسلەند

ڕۆژەتایبەت و گرنگەکانی تر

• ڕۆژى لەدايكبوون هەموو گەورەکان ڕۆژی لەدایکبوونیان جەژن ناگرن، ئەگەرچی هەموویان لەدایکبوونی مەزن جەژن دەگرن. نەریتە کە ڕۆژی لەدایکبوونی منداڵەکان بە بەڕێوەبردنی میوانێک بۆ خێزان و/یان هاوڕێیەکان جەژن بگیرترێت.
• ئاهەنگی ناولێنان. زۆر یەک لە خەڵک ناوی منداڵەکانیان لە کەنیسە یان لەماڵەوە لەلایەن قەشەیەک دەنێن. هەروەها ئاهەنگی ناولێنان بۆ مندالەکان باوە بەبێ هیچ واتایەکی ئایینی. بەر لە گەیشتنی منداڵ بە 6 مانگی، ناوی منداڵەکە داسەپاوە و ناوەکە دەبێ بە بەڕێوەبەرایەتی تۆماری ئایسلەند ڕابگەیەندرێت. www.thjodskra.is
• دین وەرگرتن . منداڵەکان دەتوانن لە چواردەساڵی دینیان پێبدرێت . ئەم پشتڕاستکردنەوە حەزی ئەوان دەردەخات بۆ ئەندامبوون لە کەنیسەی نیشتمانی ئایسلەند. دین وەرگتنی مەدەنیش هەیە کە هیچ پەیوەنییەکی بە ئایین نییە. www.sidmennt.is
• هەرزەکارەکان لە شوێنێک کە سەبارەت بە ئایین و بەها ئەخلاقییەکان فێر دەبن و لەسەر لایەنەکانی ژیان گفتوگۆ دەکەن، ڕاهێنانی دین وەرگرتنەکە تێدەپەڕینن.
• ئاهەنگ و مەراسیمی دین وەرگرتن بەڕێوە دەچێت و هەرزەکارەکان بەگشتی لەلایەن خێزان و هاوڕییەکانیان دیاری پارە وەردەگرن.
• دین وەرگرتن ، چ لە کەنیسە و چ لە ئاهەنگێکی مەدەنی. لە ئایسلەند بەزۆری نییە.

ڕۆژە گرنگەکانی تر - بەردەوامە 

• ئاهەنگى ژن هێنان. زۆر جووتی هەر ساڵە لە ئایسلەند هاوسەرگیری دەکەن. تۆ دەتوانی لە کەنیسە، لەگەڵ ڕێکخراوەیەکی ئایینی تر یان لە نووسینگەی دەسەڵاتی ناوچە هاوسەرگیری بکەیت.
• جووتەکانی هاوڕەگەزباز دەتوانن لە ئايسلەند هاوسەرگيرى بكەن و ئەم هاوسەرگیرییە هەر وەک هاوسەرگیرییەکانی تر بە گوێرەی یاسا قەبووڵکراوە.
• پرسە. ساڵانە نزیکەی 2000 ئایسلەندی دەمرن. پرسەکە بۆ زۆربەی ئەوانەی کە دەمرن لە کەنیسە بەڕیوە دەچێت. بوونی قەشە لە کاتی ناشتن بەزۆر نییە.
• دوو جۆرى ناشتن هەيە: ناشتن و سووتانى لاشەى مردوو. لە ناشتندا، لەش لە سندووقێک دادەنرێت و پاشان لە گۆڕستان دەنێژرێت. ئەگەر لەش بسوتێنرێت، کووپەیەک کە داگری خۆڵەمێشی پاشماوەی سووتێنراوە لە گۆڕستان دەنێژرێت. 

ئايين لە ئايسلەند

• ئايسلەند ئازاديى ئايينى هەيە. ئەمە بە واتای ئەمەیە کە هەموو خەڵکێک دەتوانن ئایینی خۆیان بەبێ ترس و ئازار و سزا بەڕیوە ببەن. ئەروەها ئەمە بە واتای ئەمەیە کە هەر کەس مافی ئەوەی هەیە کە سەبارەت بە ئایینی خۆی بڕیار بدات، یان لە هیچ ڕێکخراوەیەکی ئایینیدا ئەندام نەبێت.
• کەنیسەی نیشتمانی ئایسلەند گەورەترین ڕێکخراوەی ئایینی ئەم وڵاتەیە. کەنیسەی نیشتمانی ئايسلەند بەشێكە لە نەریتی لۆسەرى-ئينجيلى (Lutheran-Evangelical). گرنگی ئایین لە ژیانی خەڵکدا جیاوازە، بەڵام کەنیسە سەبارەت بە ئاهەنگەکانی وەکوو دین وەرگرتن، هاوسەرگیری، پرسە و ناشتن، و هەروەها پشووی کریسمەس بۆ زۆربەی خەڵک گرنگە.
• زۆرێک لە کۆمەڵگا گەورە و بچووکەکان لە ئایسلەند هەیە و کۆمەڵگا بەگشتی لە ئاست بۆچوونەکانی جیاوازی ئایینی و فەلسەفی خەڵک سنگ فراوانە.
• بەشیک لە باجیی خەڵک دەگاتە ڕێکخراوەکانی ئایینی شوێنی تۆماکردنیان. دەوڵەتی ئایسلەند مووچەی قەشەکانی کەنیسەی نیشتمانی ئایسلەند دەدات.
• کەنیسەی نیشتمانی هیچ کاریگەرییەکی نییە لە یاسادانان، بەڕێوەبردنی یاسا یان بەڕێوەبردنی فەرمانەکان لە ئایسلەند.