پێشوازيى هاوڕیزی پەنابەرى
- ئەو پەنابەرانەی، کە پشتگیری نێودەوڵەتیان پێ بەخشراوە لە ئايسلەند، چ بە شێوەی سەربەخۆ هاتبن بۆ ناو وڵات یان بە فەرمانی حکوومەت، خزمەتگوزاری هاوڕیز وەردەگرن.
- ئەم خزمەتگوزارییە بریتین لە فێرکاری ئایسلەندی و کۆمەڵایەتی و هەروەها پشتگیری بۆ دۆزینەوەی کار و چالاکییەکانی تر وەکوو، خوێندن، ڕاهێنانی پیشەگەری.
- خزمەتگوزاری کۆمەڵایەتی شارەوانی پەیوەندیدار، بەڕێوەبەرایەتی کار و خاچی سووری ئایسلەند بۆ نموونە ئەو لایەنانەن کە خزمەتگوزاری پەنابەری ڕادەست دەکەن.
- خاچی سوور هەروەها ڕێنمایی، ڕاهێنان و ڕاوێژکاری گشتی پێشکەش بە پەنابەران دەکات و ئەوان ڕێنمایی دەکات بۆ ئەو سەرچاوەیانەی کە لەبەردەستیانە.
- www.raudikrossinn.is
مافی خزمەتگوزاری وەرگێڕان
- کۆچبەران زۆرجار ناچارن بە بەکارهێنانی وەرگێڕ.
- ئەوان کاتی مامەڵەکردن لەگەڵ پۆلیس و دادگا مافی بەکارهێنانی وەرگێریان هەیە بۆ چاودێری تەندروستی.
- دامەزراوەکە تێچووی وەرگێڕ دەدات.
- بەڵام پێويستە تۆ بە تێبینی خۆت داوا بکەيت بۆ وەرگێڕ. مەترسێ لەوەیکە بڵێی پێویستت بە وەرگێڕە. ئەمە مافی تۆیە.
- دامەزراوەکانی دیکەش بەگشتی وەرگێر بەکار دێنن، بۆ نموونە قوتابخانە،نووسینگەی دەسەڵاتداری هەرێمی و ناوەندەکانی خزمەتگوزاری .
بانکەکان
- بانک کۆمپانيايەکە کە بەشێوەيەکى سەرەکى مامەڵە لەگەڵ پارەدان، قەرز و داهاتەکان دەکات.
- کەسانی خوارووی تەمەنی 18 ساڵ ناتوانن وامی بانکی وەرگرن بەڵام دەتوانن عیسابی بانکیان هەبێت(بە مۆڵەتی سەرپەرشتیارەکەت) و پارە تێکات (پاشەکەوت بکات) و پارە بگوازێتەوە (ڕاکێشێت)
- سەرپەرشتەکان بەگشتی باوانی منداڵن.
- بانکەکان خزمەتگوزاری جۆراوجۆر پێشکەش دەکەن:
- حیسابە بانکییەکان.
- دیبیت و کریدیت کارت.
- خزمەتگوزاری بانک بەشێوەی ئۆنلاین و لەڕێگەی تەلەفۆنەوە
ئەژمێری بانکی
- هەموو دەبێ حیسابی بانکیان هەبێت بۆ ئەوەیکە کاروباری دارایی کەسی خۆیان جێبەجێ بکەن.
- باشترە حیسابێکی کراوەت هەبێت کە ئەگەر پێویستبوو لێی بچیتە دەرەوە.
- زۆر خەڵک هەروەها حیسابی پاشەکەوتی تایبەت دەکەنەوە.
- حیسابێکی بانکی پێويستە بۆ ئەوەى بتوانی:
- مووچە یان یارمەتی وەرگری.
- دراو لە کەسێک لەناوخۆ یان دەروەی وڵات وەرگرە.
- پارە ڕاکێشە، پارەی پسوولە بدە یان بەشێوەی ئەلەکترۆنی بیگوازەوە بۆ حیسابی تر.
- کاتێک مۆڵەتی نیشتەجێبوون بەخشرا بە کەسێک و لە فەرمانگەی تۆماری نەتەوەیی تۆمار کرا (www.skra.is) – ژمارە ناسنامەی ئایسلەندی ( kennitala ) بۆ دەردەکرێت – ئەوان دەتوانن داوای کردنەوەی حیسابێکی بانکی بکەن.
- بانکەکە پشکنینی ڕاستی و دروستی زانیارییەکانی تاکەکەکەسی هەموو مشتەرییەکانی خۆی دەکات (بۆ نموونە ناو، ژمارە ناسنامە، ڕەقەم تەلەفۆن، ناونیشانی ئیمەیل)
- بانک هەروەها پشکنینی دەکات کە ئەو پارەیەی کە خەڵک دەیڕێژن بۆ ژمارە حیسابەکەیان لە کوێوە دێت و هەروەها پشکنینی چۆنیەتی بەکارهێنانی پارەکە دەکات.
- ئەمە بەشێوەی پرسیارنامەیەکە کە هەرکەس دەبێ لەکاتی کردنەوەی حیسابی بانکی پڕی کاتەوە (پشکنینی وەڵامی دروست بکە).
- لە ئايسلەند، زۆربەى خەڵک پارەدانی ئەليکترۆنى بەکاردەهێنن. پارەدان بە کاش یان کارت يان تەلەفۆنى زيرەک پارەدان.