Samræmd móttaka flóttafólks
- Flóttafólk, sem hefur fengið alþjóðlega vernd hér á landi, hvort sem það hefur komið hingað á eigin vegum eða í boði stjórnvalda, fær samræmda þjónustu.
- Þjónustan felur í sér íslenskukennslu og samfélagsfræðslu auk aðstoðar við atvinnuleit og aðra virkni, svo sem nám, atvinnu með stuðningi og starfsþjálfun.
- Félagsþjónusta viðkomandi bæjarfélags, Vinnumálastofnun og Rauði krossinn á Íslandi eru m.a. þeir aðilar sem sjá um þjónustu við flóttafólk
- Rauði krossinn veitir einnig flóttafólki almennar leiðbeiningar, fræðslu og ráðgjöf og vísar því á úrræði sem standa þeim til boða.
Réttur til túlkaþjónustu
- Innflytjendur þurfa oft að nota túlka.
- Þeir eiga rétt á að nota túlk í heilbrigðisþjónustu, í samskiptum við lögreglu og fyrir dómi.
- Viðkomandi stofnun greiðir þá fyrir túlkinn.
- En þú þarft sjálf/ur að biðja um túlk með fyrirvara. Ekki vera feimin/n að segjast þurfa túlk. Það er þinn réttur.
- Aðrar stofnanir nota líka oft túlka, t.d. skólar og þjónustumiðstöðvar.
Bankar
- Banki er fyrirtæki sem sinnir aðallega útborgunum, lánum og ávöxtun á fé.
- Þeir sem eru yngri en 18 ára mega ekki taka lán í banka en mega eiga bankareikning (með leyfi forráðamanna) og leggja inn peninga (safna) og millifæra (taka út) peninga.
- Forráðamenn eru oftast foreldrar barns.
- Bankar bjóða upp á fjölbreytta þjónustu:
- Bankareikninga.
- Debet- og kreditkort.
- Bankaþjónustu í gegnum netið og gegnum síma.
Bankareikningur
- Allir verða að eiga bankareikning til að sinna persónulegum fjármálum sínum.
- Best er að hafa opinn reikning sem er hægt að taka út af þegar það þarf.
- Margir stofna líka sérstaka sparireikninga.
- Bankareikningur er nauðsynlegur til að geta:
- Fengið greidd laun eða bætur.
- Fengið millifærslur frá einstaklingum, innanlands eða frá útlöndum.
- Tekið út peninga, greitt reikninga eða millifært rafrænt á aðra reikninga.
- Þegar einstaklingur hefur fengið dvalarleyfi og skráð sig í Þjóðskrá Íslands (www.skra.is) – og fengið íslenska kennitölu – getur hann/hún sótt um að stofna bankareikning.
- Bankinn athugar hvort persónulegar upplýsingar (t.d. nafn, kennitala, símanúmer, netfang) séu réttar hjá öllum viðskiptavinum sínum.
- Bankar athuga líka hvaðan peningarnir koma sem einstaklingar fá á reikning sinn og hvernig maður ætlar að nota peningana.
- Þetta er í formi spurningalista sem allir þurfa að svara (merkja við svör) þegar þeir stofna bankareikning.
- Á Íslandi nota flestir rafrænan greiðslumáta; kort eða greiðslur með síma.