Fara í efni

Laun og skattar​

  • Á Íslandi eru laun yfirleitt greidd út mánaðarlega, um mánaðarmót. ​
  • Tekjur eftir skatt eru millifærðar á bankareikninga starfsmanna. ​
  • Launaseðillinn er lang oftast rafrænn og er sýnilegur undir „Mín skjöl“ í heimabanka fólks (á netinu). ​
  • Launaseðillinn sýnir útborguð laun, heildarlaun, greidda skatta og önnur launatengd gjöld. ​
  • Heildartekjur er upphæð launa fyrir frádrátt vegna skatta og launatengdra gjalda.​
  • Útborguð laun er upphæðin sem er millifærð á bankareikning. ​
  • Allt launafólk á að fá launaseðla þar sem koma fram tekjur og frádráttur. ​

Launatengd gjöld

  • Launatengd gjöld eru til dæmis:​
    • greiðslur í lífeyrissjóð​
    • félagsgjald í stéttarfélag​
    • gjald í starfsmannafélag á vinnustaðnum​
    • matarkostnaður ef að starfsmaður borgar fyrir mat á vinnustaðnum. ​
  • Atvinnurekanda er einnig skylt að draga frá launum meðlagsgreiðslur með börnum eða ógreidd opinber gjöld og greiða ríkinu. ​
  • Allar greiðslur og allur frádráttur á að koma fram á launaseðlinum í hverjum mánuði. ​

Skattar – mikilvæg stoð í velferðarríki

  • Íslenska velferðarríkið byggir á því að fólk greiði skatta og önnur opinber gjöld. Skatttekjur ríkisins eru notaðar til að greiða opinbera þjónustu og félagslegar bætur. www.rsk.is
  • Öllum sem afla tekna (launafólk og verktakar) ber skylda til að greiða tekjuskatt og útsvar. ​
  • Tekjuskattur fer til ríkisins. ​
  • Útsvar er skattur sem fer til þess sveitarfélags þar sem maður býr. ​
  • Launagreiðanda er skylt að draga skatt af tekjum launþega og greiða ríkinu skattinn. ​
  • Launafólk greiðir misháa skatta og fer það eftir tekjum. ​
  • Skattakerfið byggir á skattaþrepum sem fara eftir tekjum fólks. ​
  • Að meðaltali greiðir fólk um 37,4% tekna sinna í skatt og launatengd gjöld. ​
  • Persónuafsláttur dregst frá skattinum. Afslátturinn er 50.792 kr. á mánuði á árinu 2021. https://www.rsk.is/einstaklingar/stadgreidsla/personuafslattur/
  • Allir sem verða 16 ára á tekjuárinu og eldri og eru heimilisfastir á Íslandi eiga rétt á persónuafslætti. ​

Skattframtal

  • Öllum er skylt að skila skattframtali til skattayfirvalda í mars á hverju ári. Líka þeim sem þiggja félagslegar bætur eða örorkubætur. ​
  • Ef að einstaklingur skilar ekki inn skattframtali áætlar ríkisskattstjóri tekjur á viðkomandi!​
  • Skattframtal er rafrænt skjal þar sem koma fram allar tekjur, eignir, skuldir og skattgreiðslur ársins hjá viðkomandi. ​
  • Skattayfirvöld fara yfir skattframtalið og reikna út opinber gjöld sem allir þurfa að borga og bætur ef við á. ​
  • Vaxtabætur af húsnæðislánum og barnabætur til að styðja við barnafjölskyldur eru reiknaðar út frá skattframtali. Slíkar bætur eru tekju – og eignatengdar.
  • Skattframtalið er rafrænt. ​
  • Það er yfirleitt búið að setja inn allar upplýsingar fyrir fram eins og tekjur og frádreginn skatt af launaðri vinnu. ​
  • Það þarf að staðfesta framtalið og skila því inn með rafrænum hætti. Það er gert með veflykli eða rafrænum skilríkjum. ​
  • Skattframtali er skilað inn í mars ár hvert undir „Mínar síður“ á www.skattur.is (Þjónustuvefur). ​
  • Álagningarseðill kallast niðurstöðurnar frá skattinum af skattframtali hvers og eins. Þar koma fram opinber gjöld, bætur og hvort sé inneign eða skuld hjá viðkomandi. Álagningarseðillinn er rafrænn undir „Mínar síður“ á www.skattur.is

 

Má bæta efnið á síðunni?