Verktakavinna
- Sá sem tekur að sér, gegn endurgjaldi, að vinna eða annast um tiltekið verk fyrir annan aðila og ábyrgist árangur verksins telst verktaki.
- Verktaki gefur út reikninga fyrir vinnu sína og borgar sjálfur skatta og launatengd gjöld.
- Verktaki þarf að skila skattframtali og tiltaka tekjur og gjöld (kostnað).
- Atvinnurekandi (verktaki) sem hefur fólk í vinnu (starfsmenn/launamenn) kallast einnig vinnuveitandi og ber tilteknar skyldur sem slíkur.
Eigin atvinnurekstur
- Áður en rekstur hefst þarf að tilkynna um reksturinn til ríkisskattstjóra hvort sem hann er rekinn í félagi eða á kennitölu einstaklings (einstaklingsrekstur).
- Einnig þarf að tilkynna breytingar á rekstrinum sem og lok rekstrar (ef fyrirtæki hættir).
- Í eigin atvinnurekstri þarf að halda vel utan um fjármálin:
- Færa bókhald og greiða virðisaukaskattinn reglulega.
- Skrá tekjur jafnóðum og þær berast.
- Gefa út reikninga.
- Skila ársreikningi eftir lok hvers rekstrarárs.
- Skila skattframtali.
- Ríkisskattstjóri býður reglulega upp á námskeið fyrir þá sem eru að hefja eigin rekstur, www.rsk.is/atvinnurekstur/ad-hefja-rekstur/
Atvinnuleit
- Þó að atvinnuleysi sé venjulega lítið á Íslandi getur verið samkeppni um störf.
- Flest störf eru auglýst í dagblöðum og/eða á netinu.
- Stór fyrirtæki auglýsa laus störf á heimasíðu sinni eða bjóða upp á að hægt sé að leggja inn umsókn ef starf losnar.
- Vinnumiðlanir eru einnig margar þar sem hægt er að sjá mörg störf í boði.
- Mjög oft á að fylla út umsókn á netinu og láta fylgja (sem viðhengi) ferilskrá, kynningarbréf og vottorð ef á þarf að halda.
- Einnig er hægt að senda tölvupóst beint til fyrirtækis, hringja eða mæta á staðinn til að sækja um starf eða biðja um atvinnuviðtal.
- Boðað er í atvinnuviðtal með tölvupósti eða símtali.
- Starfsumsókn þarf að innihalda:
- Kynningarbréf þar sem kemur fram stutt kynning á einstaklingnum, upplýsingar um faglegan bakgrunn ef við á og rök fyrir hæfni og áhuga fyrir starfinu.
- Ferilskrá (CV) – það er skrifað yfirlit yfir menntun og starfsreynslu. Þar eiga að vera upplýsingar um:
- Persónuleg atriði (mynd, nafn, kennitala, netfang og símanúmer) og persónulega hagi ef maður vill.
- Menntun
- Starfsreynslu
- Tungumálakunnáttu
- Annað sem kann að skipta máli
- Meðmælendur
Þáttur innflytjenda á íslenskum vinnumarkaði
- Innflytjendur á Íslandi eru frá öllum heimshornum en Pólverjar eru langfjölmennasti hópur innflytjenda.
- Oft reynist innflytjendum erfitt að fá menntun sína metna til jafns við íslenskar prófgráður. Hægt er að fá sækja um vottun á prófskírteinum hjá viðeigandi fagfélagi í gegnum mennta- og menningarmálaráðuneytið.
- ENIC/NARIC skrifstofan veitir ráðgjöf varðandi mat á fyrra námi. www.enic-naric.net
- Raunfærnimat fyrir m.a. iðngreinar og fleiri störf er á vegum framhaldsfræðslunnar. www.idan.is
Innflytjendur á vinnumarkaði
- Það er mikilvægt að læra íslensku eins vel og hver getur og nýta tækifæri til að æfa sig. Jafnvel lágmarkskunnátta hjálpar til við að fá vinnu.
- Íslenskt samfélag er að aðlagast fjölmenningarlegu samfélagi og stundum eru stjórnendur fyrirtækja hikandi við að veita innflytjendum tækifæri á vinnumarkaði.
- Þörfin fyrir fjölbreytt menntunar- og starfsþjálfunarúrræði fyrir fólk af erlendum uppruna eykst eftir því sem fólki af erlendum uppruna fjölgar á Íslandi.
- Þörf er fyrir nám sem sameinar íslenskunám og grunnnám, nám á framhalds- og háskólastigi eða starfstengt nám.