Fara í efni

Ráðgjafarstofa innflytjenda

  • Ráðgjafarstofa innflytjenda tók til starfa 2021. Hún er á vegum félagsmálaráðuneytisins. ​
  • Ráðgjafarstofan er staðsett á Laugavegi 116, 101 Reykjavík. ​
  • Innflytjendum er boðið að líta við, ræða við ráðgjafa í gegnum síma eða í gegnum netspjall á www.newiniceland.is
  • Netspjallið er í boði á sjö tungumálum: íslensku, ensku, pólsku, spænsku, portúgölsku, litháisku og arabísku. ​
  • Hlutverk stofunnar er að bjóða upp á aðgengilega ráðgjöf og upplýsingar til innflytjenda um þjónustu, réttindi og skyldur þeirra.

Rauði krossinn á Íslandi

  • Rauði krossinn á Íslandi býður upp á þjónustu og félagsstarf sem snýr að innflytjendum. ​
  • Starfið felur í sér að skapa félagsleg tengsl, sálfélagslegan stuðning og leiðir til að kynnast samfélaginu. ​
  • Þar má nefna verkefni eins og vinaverkefni innflytjenda, þjálfun í að tala íslensku, margvíslega ráðgjöf og ýmsa viðburði. ​
  • Einnig er fjölbreytt sjálfboðastarf félagsins opið innflytjendum.

Hjálparsamtök

  • Flóttafólk (og aðrir innflytjendur) hafa einnig nýtt sér úrræði hjá öðrum hjálparsamtökum og má sem dæmi nefna Hjálparstarf kirkjunnar, Hjálpræðisherinn (www.herinn.is) og Samhjálp.​
  • Hjálparstarf kirkjunnar hefur boðið upp á verkefni sem snúa að sálrænum og félagslegum stuðningi og virkniúrræði, sérstaklega fyrir konur sem eru umsækjendur um, eða hafa fengið, alþjóðlega vernd. www.hjalparstarfkirkjunnar.is
  • Samhjálp rekur m.a. kaffistofu Samhjálpar í Borgartúni 1a, Reykjavík. Þar er boðið upp á frían mat fyrir fólk sem býr við erfiðar félagslegar aðstæður; morgunkaffi, meðlæti og heita máltíð í hádeginu, alla daga ársins, helgar jafnt sem helgidaga. www.samhjalp.is

Þjóðskrá Íslands

  • Þjóðskrá Íslands heldur fasteignaskrá og þjóðskrá. Stofnunin gefur út vegabréf, nafnskírteini og ýmis vottorð. ​
  • Hjá Þjóðskrá Íslands eru allir skráðir sem búa eða hafa búið á Íslandi. Fólk sem flytur innanlands á að tilkynna flutning innan sjö daga frá flutningi. ​
  • Þjóðskrá gefur út kennitölur. Þar á líka að skrá nöfn barna og nafnabreytingar. ​
  • Það skiptir miklu máli að nöfn og fæðingardagar séu rétt skráð frá upphafi í þjóðskrá – það getur verið erfitt að breyta slíku eftir á. ​
  • Þeir sem ætla að gifta sig verða að hafa samband við þjóðskrá og fá staðfestingu á hjúskaparstöðu. ​
  • Þjóðskrá er í Borgartúni 21, 105 Reykjavík og Hafnarstræti 107, 600 Akureyri. ​
  • Það er hægt að gera margt rafrænt á vef þjóðskrár. www.skra.is

Dvalarleyfi

  • Margir útlendingar sem vilja búa á Íslandi þurfa dvalarleyfi.​
  • Dvalarleyfi eru gefin út af Útlendingastofnun (www.utl.is).​
  • Staðsetning Útlendingastofnunar: Dalvegur 18, 201 Kópavogur. ​
  • Það eru til ólíkar gerðir af dvalarleyfum miðað við tilgang dvalar.​
  • Skilyrði fyrir dvalarleyfi skiptast í a) grunnskilyrði sem gildir fyrir öll dvalarleyfi og b) önnur skilyrði sem gilda um hverja tegund fyrir sig.​
  • Útlendingar frá ríkjum utan Evrópska efnahagsvæðisins (EES) eða aðildarríkja EFTA, sem ætla að dvelja á Íslandi lengur en þrjá mánuði, þurfa að fá útgefið dvalarleyfi.
  • Það er á ábyrgð hvers einstaklings að gæta þess að hann/hún hafi gilt dvalarleyfi á landinu. ​
  • Það er skylda allra útlendinga sem búa á Íslandi að sækja sjálfir um dvalarleyfi ef þeir þurfa og endurnýja leyfið eftir þörfum (með minnst mánaðar fyrirvara áður en leyfi rennur út). ​
  • Útlendingastofnun getur vísað fólki úr landi sem er ekki með gilt dvalarleyfi. ​
  • Afgreiðslan hjá Útlendingastofnun gefur upplýsingar um hvaða gögn þurfa að fylgja umsóknum og það má finna á www.utl.is
  • Hjá Útlendingastofnun er skilað inn umsóknum og fylgigögnum, teknar myndir fyrir dvalarleyfisskírteini, skönnuð fingraför og tekin viðtöl ef á þarf að halda.
  •  

Ótímabundið dvalarleyfiRíkisborgararéttur

  • Reglur um rétt á ótímabundnu dvalarleyfi og íslenskan ríkisborgararétt er best að afla sér á www.utl.is
  • Það eru bæði mörg skilyrði sem þarf að uppfylla og mörg fylgigögn sem þurfa að fylgja slíkum umsóknum. ​
  • Það getur tafið eða komið í veg fyrir að fá ótímabundið dvalarleyfi eða íslenskan ríkisborgararétt að: ​
  • hafa fengið fjárhagslega aðstoð frá sveitarfélagi eða ríkinu.​
  • hafa fengið dóm, fyrir t.d. brot á umferðarlögum.​
  • eiga ólokið mál hjá lögreglu eða dómstólum.​
  • eiga ólokið mál hjá stjórnvöldum sem getur orðið til þess að þér verði vísað úr landi.

Alþjóðleg vernd

  • Þeir sem sæta ofsóknum í heimalandi sínu eða eiga þar á hættu dauðarefsingu, pyndingar eða ómannúðlega meðferð eða refsingu eiga rétt á og geta sótt um alþjóðlega vernd á Íslandi. ​
  • Að auki er heimilt að veita alþjóðlega vernd á grundvelli mannúðarsjónarmiða. ​
  • Um málsmeðferð vegna slíkra umsókna er fjallað í lögum um útlendinga. ​
  • Útlendingastofnun annast afgreiðslu umsókna.​
  • Hægt er að kæra úrskurði Útlendingastofnunar til Kærunefndar útlendingamála. www.knu.is
  • Umsækjendur um alþjóðlega vernd fá húsnæði og framfærslustyrk á meðan unnið er úr umsókn þeirra. ​
  • Umsækjendum um alþjóðlega vernd stendur oft til boða að sækja námskeið. Fjöldi og tegundir námskeiða fer eftir reglum þeirrar stofnunar sem sér um mál viðkomandi einstaklings. ​
  • Rauði krossinn á Íslandi sinnir félagslegum stuðningi og hagsmunagæslu fyrir umsækjendur. www.raudikrossinn.is

 

Má bæta efnið á síðunni?